Quando more nu poeta

pino_daniele_21secolo_teresagiordano
pino_daniele

Rose, nun v’arapite int’’e ciardine,
restate annascunnute.
Pàssere, nun cantate ‘n miez’’e ffronne,
stateve zitte e mute.

Stelle, nun ricamatelo stu cielo.
Luna, nun t’affaccià.
Mare, tu nun te mòvere stasera.
Viento, nun suspirà.

E vvuje, canzone, zitte rummanite
nzerrate dint’’e core.
E vvuje, figliole, nun v’appriparate
pe’ scennere a fa’ ‘ammore,

Napule vo’ durmì nu suonno ‘e lutto
e nun se vo’ scetà,
chiagne p’’a morte ‘e chistu figlio d’oro
‘sta povera città.

 

di Raffaele Pisani

Print Friendly

LASCIA UN COMMENTO